Էբեկո հրաբխի մոխիրը ծածկել է Սևերո-Կուրիլսկը

Ռուսաստանի ԱԻՆ Սախալինի շրջանի գլխավոր վարչությունը հայտնել է, որ Էբեկո հրաբխի մոխրի արտանետումը մասամբ ծածկել է Պարամուշիր կղզու Սևերո-Կուրիլսկը, փոխանցում է РИА Новости-ն։

«Առավոտյան տեղեկություն է ստացվել, որ Սևերո-Կուրիլսկ քաղաքի հյուսիսային հատվածում նկատվել է թույլ մոխրի արտանետում»,- հայտնել են նախարարությունից։

Սևերո-Կուրիլսկում ջրածնի սուլֆիդի հոտ չկա, տեղի բնակիչներից բողոքներ կամ զանգեր չեն եղել։ Արտակարգ իրավիճակների նախարարությունը նշել է, որ մարդկանց կյանքին վտանգ չի սպառնում։

Սեպտեմբերին հաղորդվել էր, որ Պարամուշիր կղզում գտնվող Էբեկո հրաբուխը մոխրի սյուն է նետել։ Նրա բարձրությունը ծովի մակարդակից 4,5 կմ է եղել։