Ուկրաինայի իշխանությունները Խերսոնում պարետային ժամ են սահմանել

Շաբաթ օրը՝ նոյեմբերի 12-ին, Ուկրաինայի իշխանությունները Խերսոնում պարետային ժամ են մտցրել ժամը 17:00-ից մինչև 08:00-ը։ Այս մասին իր Telegram ալիքում հայտնել է Խերսոնի շրջանային ռազմական վարչակազմի ղեկավար Յարոսլավ Յանուշեւիչը։

Բացի այդ, կսահմանափակվի քաղաքից դուրս գալու և այնտեղ մուտք գործելու հնարավորությունը՝ «ականազերծման աշխատանքներն ապահովելու համար»։

Ավելի վաղ Ուկրաինայի նախագահ Վլադիմիր Զելենսկին հայտարարել էր, որ երկրի իշխանությունները ականազերծման պատճառով լրագրողներին առայժմ թույլ չեն տա Խերսոն մտնել։