Բրիտանացին բուժվել է 5 տարվա խլությունից՝ հանելով ականջի մեջ մնացած ականջակալի բարձիկը

Թագավորական նավատորմի վետերան Ուոլաս Լին հինգ տարի կարծել է, թե խուլ է, մինչև որ իմացել է, որ հիվանդության պատճառը ականջի մեջ խրված ականջակալի բարձիկն է, հայտնում է Daily Mail-ը։

Տղամարդը կարծում էր, որ լսողության հետ կապված խնդիրներն իր ծառայության արդյունքն են, քանի որ նա աշխատել է աղմկոտ ավիացիոն ոլորտում, կամ ռեգբի խաղալիս ստացած վնասվածքը։ Այն բանից հետո, երբ տնային էնդոսկոպ ձեռք բերեց, նա կարողացավ իր ականջում տեսնել մի փոքրիկ սպիտակ օտար մարմին:

Դրանից հետո բժիշկը պինցետով մի առարկա է հանել բրիտանացու ականջից ու զարմացել՝ պարզելով, որ ականջակալի բարձիկն է եղել խլության պատճառը։ Հիվանդը ենթադրել է, որ ինքնաթիռով թռչելիս է բարձիկը խրվել իր ականջում:

«Հինգ տարի առաջ ես թռավ Ավստրալիա՝ այցելելու իմ ընտանիքին: Ես գնել էի փոքր ականջակալներ, որոնց վրա տարբեր բարձիկներ կարելի էր դնել»,- ասել է նա։

Այս թռիչքից հետո տղամարդը սկսել է նկատել լսողության կորուստ։ Նա ասել է, որ տարիների ընթացքում բազմիցս փորձել է մաքրել ականջները, բայց դա չի օգնել։

Վիրահատությունից հետո Լիի լսողությունը զգալիորեն բարելավվել է։ Նա նկարագրում է իր զգացմունքներն այնպես, կարծես վերջնականապես հեռացել է «մառախուղը, որն այսքան տարիների ընթացքում եղել է իր գլխում»։

Այս թեմայով Սթարմերն ու Շոլցը երկկողմանի պայմանագրով ձգտում են վերականգնել Բրիտանիա–ԵՄ հարաբերությունները Բրիտանացին փորձել է լազերով կուրացնել ինքնաթիռի օդաչուներին ու հայտնվել է բանտում (տեսանյութ) ՌԴ ԱԳՆ-ն սպառնացել է Բրիտանիային Մեծ Բրիտանիայում գնահատել են Ռուսաստանի հետ պատերազմի հավանականությունը Մեծ Բրիտանիայում հրթիռը քիչ է մնացել սպանի պաշտպանության նախարարին․ ԶԼՄ