Հոգեբանները նշել են՝ ինչու են տղամարդիկ աշխատավայրում սեռական ոտնձգություններ կատարում գործընկերուհիների նկատմամբ

Տղամարդիկ առավել հաճախ են սիրախաղ անում և հետապնդում կանանց աշխատավայրում, երբ նրանք ցանկանում են ուժեղ երևալ: Կալիֆորնիայի համալսարանի հոգեբանների հետազոտությունը հրապարակվել է Organisation Behavior and Human Decision Processes ամսագրում:

Աշխատանքներին մասնակցել է 2,5 հազար մարդ։ Նրանք բոլորն էլ կատարել են սեռական ինքնության գնահատում` գնահատելով իրենց սեռական գրավչությունը, հմայքը, ինչպես նաև սեփական նպատակների համար ուրիշների հետ սիրախաղ անելու ցանկությունը և այլ ցուցանիշներ: Դրանից հետո գիտնականները վեց փորձ են անցկացրել՝ ուղղված աշխատանքի վայրում կամավորների սեռական վարքագծի գնահատմանը։ Օրինակ, դրանցից մեկում մասնակիցները պետք է ծրագրեին փոխազդեցություն հակառակ սեռի գործընկերոջ հետ՝ տարբեր դրդապատճառներից ելնելով:

Պարզվել է, որ տղամարդիկ ավելի հաճախ են դիմում ոտնձգությունների, երբ ցանկանում են ստեղծել մի մարդու կերպար, որն իր ձեռքում ունի իշխանություն։ Կանանց մոտ նման վարքագիծ չի նկատվում։ Իսկ ավելի հաճախ դրան են դիմում ավելի ցածր պաշտոններ զբաղեցնող տղամարդիկ։

«Մենք զարմացանք, որ տղամարդ ենթակաները ավելի հակված են սեռական վիրավորական վարքագծին, ինչպիսիք են գռեհիկ հաճոյախոսությունները, քան տղամարդ ազդեցիկները: Սա խոսում է այն մասին, որ այս մասնակիցներին առաջնորդում է ավելի մեծ ուժ ստանալու ցանկությունը, նրանք ցանկանում են ավելի հզոր երևալ»,- նշել են գիտնականները։

Հետագա հետազոտություններում գիտնականները նախատեսում են ուսումնասիրել աշխատավայրում սոցիալական սեռական վարքի հետ կապված լրացուցիչ գործոններ: