Ճապոնուհին սկսել է պլաստիկ վիրահատություն անել հինգերորդ դասարանից և դրա վրա ծախսել է 72 հազար դոլար
ԱյլՃապոնիայի բնակչուհին պատմել է, որ սկսել է պլաստիկ վիրահատություն անել հինգերորդ դասարանից, գրում է Oddity Central-ը։ Մինչ օրս նա ծախսել է ավելի քան $72,000 պրոցեդուրաների վրա:
Ճապոնուհին, ով սոցցանցերում հայտնի է Zirazyo մականունով, խոստովանել է, որ անձնական օրինակով փորձում է կոտրել այն կարծրատիպը, թե պլաստիկ վիրահատությունը բացասական բան է։ Երբ սովորում էր երրորդ դասարանում, նա սկսեց կոպերը փակել ժապավենով կամ սոսինձով, որպեսզի ստեղծի բլեֆարոպլաստիկայի էֆեկտ՝ անտեղյակ լինելով նման ընթացակարգի գոյության մասին։
Միայն հինգերորդ դասարանում էր, որ Zirazyo-ն մորից լսել է պլաստիկ վիրահատությունների գոյության մասին, այդ ժամանակ էլ կինը առաջին անգամ թույլ է տվել դստերը դիմել պլաստիկ վիրահատության։ Արդյունքը դուր է եկել ճապոնուհուն, սակայն նրա դասընկերները սկսել են ծաղրել նրան։ Ճիշտ է, ինքը՝ աշակերտուհին, վստահ էր, որ իրեն ուղղակի նախանձում են։
Բացի այդ, կինը պնդում է, որ երրորդ կոսմետիկ պրոցեդուրայից հետո նրա անձնական կյանքում դրական փոփոխություններ են սկսվել, ուստի ոչնչի համար չի ափսոսում։ Սակայն ճապոնուհին խոստովանում է, որ պլաստիկ վիրաբուժությունը նույնպես մութ կողմ ունի, քանի որ որոշ մարդիկ կարող են կախվածություն ձեռք բերել։