Սի Ծինփինը Բայդենին զգուշացրել է Չինաստանի և ԱՄՆ-ի հարաբերություններում «կարմիր գծի» մասին

Չինաստանի Ժողովրդական Հանրապետության նախագահ Սի Ծինփինը Բալիում (Ինդոնեզիա) ԱՄՆ նախագահ Ջո Բայդենի հետ հանդիպմանը Թայվանի հարցը անվանել է կարմիր գիծ Պեկինի և Վաշինգտոնի հարաբերություններում, որը, ըստ նրա, չի կարելի հատել։ Այս մասին հայտնում է РИА Новости-ն՝ հղում անելով Չինաստանի արտաքին գործերի նախարարությանը։

«Թայվանի հիմնախնդիրը Չինաստանի հիմնարար շահերի առանցքն է, Չինաստան-ԱՄՆ հարաբերությունների քաղաքական հիմքը, առաջին կարմիր գիծը, որը չպետք է հատել»,- ասել է Չինաստանի ղեկավարը։

Չինաստանի ղեկավարը նաև նշել է, որ Պեկինը և Վաշինգտոնը պետք է երկկողմ հարաբերություններ կառուցեն՝ հիմնվելով պատմական հիմքի վրա։ Նրա կարծիքով, երկկողմ հարաբերությունների զարգացման համար կարեւոր են անձնական հանդիպումները։ Սի Ծինփինը կարծում է, որ վիդեոկոնֆերանսների և հեռախոսային խոսակցությունների ձևաչափը չի կարող փոխարինել ուղիղ հաղորդակցությանը։

Բացի այդ, Սի Ծինփինը Ջո Բայդենի հետ հանդիպման ժամանակ նշել է այն պայմանները, որոնք պետք է կատարվեն միջազգային հանրության կողմից՝ Ուկրաինայում հակամարտությունը լուծելու համար։ ՉԺՀ-ի ղեկավարն ընդգծել է, որ ուկրաինական ճգնաժամի կարգավորման ընթացքում անհրաժեշտ է «խուսափել համաշխարհային տերությունների ուղիղ հակամարտությունից»։