Մերկ Մեթյու Մաքքոնահին նշում է «Թթու վարունգի օրը»

Ամերիկացի դերասան և պրոդյուսեր Մեթյու Մաքքոնահին արխիվային լուսանկար է հրապարակել, որում կեցվածք է ընդունել ամբողջովին մերկ։ Դերասանը լուսանկարով կիսվել է իր սոցցանցերի բաժանորդների հետ։

53-ամյա Մեթյու Մաքքոնահին մեծ աղմուկ է բարձրացրել երկրպագուների շրջանում այն ​​բանից հետո, երբ նա իր անձնական բլոգում տարածել է արխիվային լուսանկար, որտեղ նա մերկ նստած է բաց սառնարանի առջև՝ ձեռքին՝ տարայով թթու վարունգ: Արտասովոր եղանակով՝ դերասանը նշել է «Թթու վարունգի օրը», որն ամեն տարի նշվում է նոյեմբերի 14-ին։

«#nationalpickleday»,- մակագրել է լուսանկարը Մաքքոնահին։

Ընդամենը մի քանի ժամում գրառումը հավաքել է ավելի քան կես միլիոն հավանում և զվարճալի մեկնաբանություններ։ «Շատ հաճելի է տեսնել մի հայտնի տղայի, որն օգտագործում է նույն մանանեխի և սթեյքի սոուսը, ինչպիսին ես եմ օգտագործում», «Այո: Նույն ձևով ամուսինս է վարունգը հանում սառնարանից։ Սա իսկապես միակ ճանապարհն է։ Ես չեմ բողոքում», «Շատ կանայք հիմա ափսոսում են, որ սոյայի սոուս չեն», «Ավելի շատ սիրեցի Մաքքոնահիին», - գրել են բաժանորդները։