Գիտնականները պարզել են, թե ինչպես է սեռական զուգընկերների քանակն ազդում ամուսնանալու հավանականության վրա
ԱյլԲազմաթիվ սեռական զուգընկերներ ունենալը չի ազդում կնոջ՝ ամուսնանալու երկարաժամկետ հնարավորությունների վրա, պարզել են Յուտայի և Օկլահոմայի համալսարանների գիտնականները: Գիտնականների աշխատանքը հրապարակվել է Social Science Research ամսագրում։
Գիտնականները վերլուծել են 9000 մարդու տվյալները, որոնց հետևել են 18 տարի՝ մինչև 2015 թվականը։ Նախկինում գիտնականները պարզել էին, որ սեռական զուգընկերների թվի աճը կապված է կանանց ամուսնանալու հավանականության նվազման հետ: Այնուամենայնիվ, նրանք հետո նկատեցին, որ այս ազդեցությունը տևել է ընդամենը մեկ տարի:
«Կանայք պատմականորեն սոցիալապես խարանվել են պատահական սեքսի և բազմաթիվ սեռական զուգընկերների համար: Ենթադրվում է, որ նման աղջիկներն ամուսնանալու ավելի քիչ հնարավորություն ունեն կույսերի համեմատ։ Մեր վերլուծությունը ցույց է տալիս, որ դա այդպես չէ»,- պարզաբանել են գիտնականները։
Նրանք պարզել են, որ ինչպես տղամարդկանց, այնպես էլ կանանց դեպքում ամուսնանալու ամենաքիչ հավանականություն ունեն նրանք, ովքեր զուգընկեր չեն ունեցել. հավանաբար այն պատճառով, որ նրանք կա՛մ «ռոմանտիկ հարաբերությունների չեն չգտում, կա՛մ անընդհատ ձախողվել են»:
Վերլուծությունը նաև ցույց է տվել, որ հարուստ սեռական փորձ ունեցող կանանց ամուսնության միջին տարիքը ընդամենը մի քանի տարով է ավելի եղել, քան նրանց հասակակիցներինը՝ զուգընկերների ավելի քիչ թվով: