«Ուղղակի հիասքանչ էր». Մարգո Ռոբին խոսել է Բրեդ Փիթի հետ համբույրի մասին

Մարգո Ռոբին պատմել է, թե ինչպես է համբուրել Բրեդ Փիթին «Բաբելոն» ֆիլմի նկարահանման հրապարակում։ Այս մասին հայտնում է E!News-ը։

Ըստ Մարգո Ռոբիի՝ Բրեդ Փիթի հետ համբույրն ինքն է նախաձեռնել «Բաբելոն» ֆիլմում։ «Սցենարում դա չկար: Ես մտածեցի. «Ուրիշ ե՞րբ հնարավորություն կունենամ համբուրել Բրեդ Փիթին: Ես պարզապես հիմա կանեմ դա»,- ասել է Ռոբին:

«Դա ուղղակի հիասքանչ էր», - ասել է դերասանուհին:

Նրա խոսքով՝ ինքն է համոզել ռեժիսոր Դեմիեն Շազելին, որ համբույրի տեսարանը անհրաժեշտ է։ «Ես ասացի. «Դեմիեն, կարծում եմ, որ Նելլին (Մարգոտ Ռոբիի հերոսուհին) կարող է գալ և համբուրել Ջեքին (Բրեդ Փիթի հերոսին): Եվ Դեմիենն ասաց. «Դե, նա կարող է... Սպասեք, սպասեք: Դուք պարզապես ցանկանում եք համբուրել Բրեդ Փիթին»: Եվ ես մտածեցի. «Այո, նման հնարավորություն կարող է այլևս երբեք չլինել»,- հիշում է Ռոբին` նշելով, որ Շազելը ի վերջո համաձայնել է իր հետ:

«Բաբելոնում» իրադարձությունները տեղի են ունենում Հոլիվուդում՝ 1920-ականների վերջին և 1930-ականների սկզբին: Մարգո Ռոբին մարմնավորում է նպատակասլաց դերասանուհի Նելլիին, ով երազում է գլխապտույտ կինոկարիերայի մասին, իսկ Բրեդ Փիթը՝ նախկին դերասան Ջեքին։