Քեթրին Զետա-Ջոնսը 22-ամյա որդու հետ ներկա է գտնվել հոլիվուդյան պրեմիերային

Դերասանուհի Քեթրին Զետա-Ջոնսը Լոս Անջելեսում մասնակցել է «Ազգի հարստությունը. պատմության եզրին» ֆիլմի պրեմիերային՝ Մայքլ Դուգլասի որդու՝ 22-ամյա Դիլանի հետ։ Այս մասին հայտնում է Daily Mail-ը։

53-ամյա կինոաստղն ընտրել է Elie Saab-ի մանուշակագույն զգեստը՝ խորը դեկոլտեով։ Նրա ավագ որդին ընտրել է շագանակագույն երեք կտորից բաղկացած կոստյում, թավշե կոշիկներ և գազարագույն փողկապ։

Այս տարվա օգոստոսին Քեթրին Զետա-Ջոնսն իր սերն արտահայտեց որդու հանդեպ՝ 22-ամյակի կապակցությամբ նրա լուսանկարների շարքը հրապարակելով։

«Դու ինձ համար ամեն ինչ ես, և շուրջբոլորս դու ես: Ուրախությունը, որ դու բերել ես այս աշխարհ, անչափելի է: Ես քեզ ավելի շատ եմ սիրում, քան բառերով կարող եմ արտահայտել»,- գրել է դերասանուհին։

Նրա ամուսինը՝ Մայքլ Դուգլասը, շնորհավորել է որդուն՝ հրապարակելով նրա լուսանկարը Բրաունի համալսարանի ավարտական ​​արարողությունից, որը Դիլան Դուգլասը ավարտել է մայիսին։