Բրիտանուհին ակնագնդերին արված դաջվածքների պատճառով գրեթե կուրացել է

Բրիտանուհին կորցնում է տեսողությունը ակնագնդի դաջվածքների պատճառով, գրում է Daily Mail-ը։ Այժմ կինը ափսոսում է, որ ուշադրություն չի դարձրել այլ մարդկանց զգուշացումներին։

32-ամյա Անայա Պետերսոնն ասում է, որ մշտական ​​կուրության վտանգի տակ է թանաքի նկատմամբ աչքերի ռեակցիայից հետո: Կինը, ով նաև դաջվածքներ ունի իր դեմքին, այժմ ասում է, որ կցանկանար ամեն ինչ սկսել մաքուր թերթիկից և չկրկնել նույն սխալները։ Ինչպես ասել է բրիտանուհին, նա իր աչքերը թանաքով է լցրել 2020 թվականի հուլիսին։ Դրանից հետո նա սկսել է գլխացավեր ու աչքերի չորություն ունենալ, բայց դա այն ժամանակ իրեն նորմալ էր թվում։

Մի քանի ամիս Անայան արթնացել է ուռած կոպերով։ Ուռածությունը մեծանում էր, իսկ նշանակված հակաբիոտիկները չէին օգնում։

«Ամեն ինչ ավելի ու ավելի վատացավ: Ինձ թվում էր, թե տասը ռաունդ էի անցկացրել Մայք Թայսոնի հետ»,- ասել է Պետերսոնը:

Ակնաբույժները Անայային ասել են, որ այժմ նրա մոտ գլաուկոմա ստանալու շատ մեծ ռիսկ կա, և նրա տեսողությունը միայն կվատանա։ Չնայած դրան, կինը դեռ լավատեսական է տրամադրված։

«Քիչ էր մնում կուրանայի։ Հեռվից չեմ կարողանում տեսնել մարդկանց դեմքերի դիմագծերը»,- հավելել է նա։