«Ելք»-ով Տարոն Մարգարյանին ճղում էինք, բայց հիմա գործուղման են գնում քաղաքի բյուջեի հաշվին՝ առանց ընդդիմության․ Oragir.News

Երևանի առաջին փոխքաղաքապետ Լևոն Հովհաննիսյանը, «Իմ քայլը» խմբակցության ղեկավար Արմեն Գալջյանը աշխատանքային այցով Ֆրանսիայում են՝ մասնակցելու մի ծրագրի, որը, ըստ Երևանի ավագանու «Լույս» խմբակցության անդամ Անի Խաչատրյանի, Երևան քաղաքի բյուջեից է։ 

«Պարզվում է` Երևանի ավագանին մեկ խմբակցություն ունի.....Ի՞նչ կանեին նախկին «Ելք» խմբակցության ավագանու անդամները, որոնք այսօր իշխանություն են, եթե սա անեին նախկինները: Ամենաթողությունը էլ ո՞նց է լինում։ Լևոն Հովհաննիսյանն հա, նաև երբ պաշտոնական այցերի բյուջեն հաստատում ենք, այնտեղ գրված չէ, որ դուք ձերոնցով, ախպերությունով իրար մեջ պիտի ինչ ուզեք, ոնց ուզեք անեք»,- իր ֆեյսբուքյան էջում գրել է Խաչատրյանը։ 

Oragir.News-ը զրուցել է Խաչատրյանի հետ, ով կայքի հետ զրույցում ասել է. «Իրենք պարտավոր էին երեք խմբակցությանն էլ ասել։ Նախկինում «Ելք»-ի ժամանակ, երբ նոր էինք ավագանի, ավագանու անդամներն էին Արայիկ Հարությունյանը, Տիգրան Ավինյանը, Ալենը Սիմոնյանը, նախկին քաղաքապետ Տարոն Մարգարյանին, կոպիտ ասած, «ճղում էինք մեջտեղից»։ Մի անգամ է Տարոն Մարգարյանը նման բան արել։ Հիմա Լևոն Հովհաննիսյանը, որոշել է, որ ընկեր Գալջյանի հետ պետք է գնա ու մյուս խմբակցություններին պետք է չասի։ Երբեք չի եղել այնպես, որ Տարոն Մարգարյանի այդ դեպքից հետո որևէ փոխքաղաքապետ, քաղաքապետ գնա նման գործուղման, չի եղել նման բան։ Ու առհասարակ, քաղաքի բյուջեն միայն «Իմ քայլը» խմբակցության անդամների համար չէ։ Եթե խմբակցություն, եթե ավագանի, ուրեմն պետք է ներկա լինեն նման հանդիպումներին բոլոր խմբակցություններից»։