Մակրոնը բարկացել է

Ֆրանսիայի նախագահ Էմանուել Մակրոնը վրդովվել է այն բանից հետո, երբ լրագրողը հարցրել է Ֆրանսիայում ձմռանը հնարավոր հոսանքազրկումների մասին, հայտնում է ՏԱՍՍ-ը։

Ֆրանսիայի ղեկավարը Ալբանիայի մայրաքաղաքում գագաթնաժողովին ժամանելուն պես լրագրողների հետ զրույցում կոչ է արել դադարեցնել նման խոսակցությունները և սկսել խնայել էլեկտրաէներգիան։

«Այս բանավեճը աբսուրդ է։ Այն ամենը, ինչ ես լսում եմ վերջին մի քանի ժամվա ընթացքում, անհեթեթ է»,- ասել է Մակրոնը։

Նրա խոսքով, պետական ​​իշխանությունների և պետական ​​կազմակերպությունների դերը ոչ թե վախեր տարածելն է, այլ երկիրը էներգիայով ապահովելու համար աշխատելը։

Նա նաև մատնանշել է բոլորի պատասխանատվությունն այս իրավիճակում և կոչ արել «էներգետիկ սթափության», որը «տարբեր սցենարներով մարդկանց վախեցնելու» մասին չէ։

«Դադարեցրե՛ք։ Մենք հիանալի երկիր ենք, մենք ունենք հիանալի էներգետիկ մոդել, մենք գոյատևելու ենք այս ձմեռը՝ չնայած պատերազմին», - ասել է Ֆրանսիայի ղեկավարը: