Լավրովը հայտնել է՝ ՌԴ-ն ինչ պայմանով կքննարկի Ուկրաինայում իրավիճակի խաղաղ կարգավորումը

Ռուսաստանի արտաքին գործերի նախարար Սերգեյ Լավրովը «Պրիմակովյան ընթերցումներ» գիտական ​​և փորձագիտական ​​միջազգային ֆորումի հանդիպման ժամանակ ասել է, որ Ռուսաստանի Դաշնությունը պատրաստ է քննարկել Ուկրաինայում խաղաղության լուրջ առաջարկը, եթե Ուկրաինան հաշվի առնի ռուսական շահերը։ Նրա խոսքերը մեջբերում է ՌԻԱ Նովոստին։

Լավրովն ընդգծել է, որ հակամարտության խաղաղ կարգավորումը հնարավոր է միայն այն դեպքում, եթե հաշվի առնվեն Ռուսաստանի օրինական պահանջները։

«Եթե հիմա լուրջ առաջարկ լինի, թե ինչպես կարելի է դադարեցնել այս հակամարտությունը՝ կատարելով մեր բացարձակապես օրինական պահանջները, իհարկե մենք պատրաստ կլինենք խոսել»,- ասել է ՌԴ ԱԳ նախարարը։