Անհրաժեշտ ենք համարում շարունակել զարգացնել պաշտպանության ոլորտում տեղեկատվության մշտական փոխանակումը. Պուտին
Աշխարհ
ՌԴ-ն անհրաժեշտ է համարում շարունակել զարգացնել ՇՀԿ-ի և ԱՊՀ-ի շրջանակներում պաշտպանական քաղաքականության ոլորտում տեղեկատվության մշտական փոխանակումը։ Այս մասին ասել է ՌԴ նախագահ Վլադիմիր Պուտինը ԱՊՀ անդամ երկրների պաշտպանական գերատեսչությունների ղեկավարների հանդիպման մասնակիցներին ուղղված իր ելույթում, հայտնում է ՏԱՍՍ-ը։
«Անհրաժեշտ ենք համարում ՇՀԿ-ի և ԱՊՀ-ի շրջանակներում շարունակել պաշտպանական քաղաքականության ոլորտում տեղեկատվության մշտական փոխանակումը, ազգային զինված ուժերի կառուցման փորձի փոխանակումը, ռազմատեխնիկական համագործակցության ընդլայնումը, զենքի ու տեխնիկայի ժամանակակից մոդելների փոխանակումը»,- ասել է նա։
«Համոզված եմ, որ ժամանակակից սպառնալիքների բնույթն ու մասշտաբները մեծ պահանջներ են դնում պաշտպանական գերատեսչությունների միջև մեր փոխգործակցության վրա:
Անհրաժեշտ է միասին աշխատել անվտանգության և համագործակցության ավելի ճկուն և կայուն համակարգ ձևավորելու համար, որը համարժեք է ընթացիկ մարտահրավերներին, և դա հնարավոր է»,- ասել է Պուտինը։
«Համատեղ խաղաղապահ առաքելություններն այսօր նույնպես բացառիկ նշանակություն են ձեռք բերում: Կարևոր է ավելի կատարելագործել խաղաղապահ ստորաբաժանումների օպերատիվ կարողությունները, շարունակել աշխատել նրանց ներգրավվածության ուղղությամբ ՄԱԿ-ի գործողություններում, որոնք ուղղված են խաղաղության պահպանմանը»,- ասվում է զեկույցում:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
