Ուկրաինայի չորս շրջաններում օդային տագնապ է

Դնեպրոպետրովսկի, Պոլտավայի, Սումիի և Խարկովի մարզերում, ինչպես նաև Կիևի կողմից վերահսկվող Զապորոժիեի շրջաններում օդային վտանգի մասին է հայտարարվել։ Այս մասին հայտնում է ТАСС-ը՝ հղում անելով Ուկրաինայի թվային զարգացման նախարարության առցանց քարտեզի տվյալներին։

Դեկտեմբերի 8-ին օդային վտանգի մասին հայտարարվել է Ուկրաինայի մի շարք շրջաններում՝ Նիկոլաևի, Օդեսայի, Դնեպրոպետրովսկի, Կիրովոգրադի, Պոլտավայի, Սումիի և Խարկովի մարզերում։ Ազդանշանային նախազգուշացում է սկսվել նաև Կիևի կողմից վերահսկվող Զապորոժիեի և Խերսոնի շրջաններում։

Հոկտեմբերի 10-ից ռուսական բանակը հրթիռային հարվածներ է հասցնում Ուկրաինայի էներգետիկ ենթակառուցվածքին։ ՌԴ նախագահ Վլադիմիր Պուտինի խոսքով՝ հրթիռային հարձակումները պատասխանն են Ղրիմի կամրջի վրա տեղի ունեցած պայթյունին։ Ռուսաստանի Դաշնության պաշտպանության նախարարությունը հայտնել է, որ էներգետիկ օբյեկտների վրա հարձակումները կատարվել են բարձր ճշգրտության զենքի օգնությամբ։

Newsweek-ը գրում է, որ Ուկրաինայի էներգետիկ ենթակառուցվածքը կարող է դադարել գործել մինչև 2022 թվականի վերջը։