Ինչ-որ պահի կհարկենք «խաղացող»-ի շահումը, վիճակախաղի կազմակերպչի շահույթը. փոխնախարար
Հասարակություն
Հայաստանի կառավարությունը մտադիր է հարկել վիճակախաղի կազմակերպիչների և խաղացողների շահույթները, այս մասին Ազգային ժողովում ասաց ՀՀ ֆինանսների նախարար Արման Պողոսյանը՝ անդրադառնալով ՔՊ խմբակցության պատգամավոր Սիսակ Գաբրիելյանի հարցին:
Պատգամավորը հետաքրքրվեց՝ չարժե՞ր արդյոք քննարկել շահումը հարկելու տարբերակը: «Եթե մարդը պարբերաբար խաղում է և շահում է, դա իր եկամտի աղբյուրն է դարձել, պետք է հարկվի՝ ինչպես բոլոր մյուս քաղաքացիներն են հարկ տալիս»,-ասաց Սիսակ Գաբրիելյանը:
Փոխնախարարը համաձայնեց պատգամավորի հետ: «Վերջնարդյունքում, կարծում եմ, որ մենք ինչ-որ մի պահի գալու ենք արդյունքից հարկման, ընդ որում՝ ոչ միայն խաղացողների ստացած շահումները, այլ կազմակերպիչների գեներացրած շահույթները: Հարկման օբյեկտը, որով միջազգայնորեն ընդունված պրակտիկայի համաձայն առաջարկվում է կազմակերպիչներին հարկել, կոչվում է GGR (համախառն խաղային եկամուտ): Այսինքն՝ դա ընդհանուր օգուտների և վճարումների դրական տարբերությունն է՝ որպես դասական առումով շահույթ՝ ի լրումն գործող շահութահարկերին: Ինչ-որ մի պահի մենք, կարծում եմ, կգանք այդ լուծմանը»,-ասաց Պողոսյանը
Նա հավելեց, որ այդ լուծումն արդյունավետ կիրառելու համար համակարգեր են պետք:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
