Հայտնի բյութի-բլոգերին մահացած են գտել՝ գլխի շրջանում հրազենային վնասվածքով

Բյութի-բլոգեր Մայա Յանեսկային մահացած են գտել Յոհանեսբուրգի տներից մեկում։ Նրան գտել են գլխի շրջանում հրազենային վնասվածքով, հայտնում է The New York Post-ը։

«Նշված հասցե ժամանելուն պես ոստիկանները կնոջը հայտնաբերել են անկողնում՝ գլխի շրջանում հրազենային վնասվածքով։ Կողքին ատրճանակ կար։ Կինը մահացած է ճանաչվել շտապօգնության աշխատակիցների կողմից»,- ասել է ոստիկանության խոսնակ, փոխգնդապետ Մավելա Մասոնդոն։

Instagram-ի իր էջի 1,2 միլիոն բաժանորդներին բլոգերը հայտնի էր Maya Mia անունով։

Նրա զուգընկերը՝ Carnilinx ծխախոտ արտադրող Carnilinx Kyle Phillips-ի գործադիր տնօրենը, ոստիկաններին ասել է, որ լոգարանում լվանում էր ատամները, երբ լսեց կրակոցի ձայնը ննջասենյակից:

Թե կոնկրետ ում է պատկանում ատրճանակը, ոստիկանությունը չի ասել՝ նշելով, որ դա կխանգարի հետաքննությանը։ Գեղեցկուհու մահը հետաքննվում է, թեև ոստիկանությունը հայտնել է, որ նրա մահը «այս պահին կասկածելի չի համարվում»: