«3+3» ձևաչափով 2-րդ հանդիպումը կարող է տեղի ունենալ առաջիկա ամիսներին. ՌԴ ԱԳՆ

Տարածաշրջանային համագործակցության հարթակի երկրորդ հանդիպումը «3+3» ձևաչափով (Ադրբեջան, Հայաստան, Վրաստան – Ռուսաստան, Թուրքիա, Իրան) կարող է կայանալ առաջիկա ամիսներին։ Այս մասին ՏԱՍՍ-ին տված հարցազրույցում ասել է ՌԴ ԱԳՆ ԱՊՀ երկրների չորրորդ վարչության տնօրեն Դենիս Գոնչարը։

«Ներկայումս մշակվում են «3+3» երկրորդ հանդիպման անցկացման կազմակերպչական եղանակները։ Հուսով ենք, որ այն տեղի կունենա մոտակա ամիսներին։ Դատելով բոլոր մասնակիցների տրամադրությունից՝ հրավեր կարող է ուղարկվել նաև Վրաստան»,- ասել է դիվանագետը։

Նրա խոսքով, Ռուսաստանի Դաշնությունը համոզված է «3+3» խորհրդատվական տարածաշրջանային հարթակի պահանջի մեջ՝ ի շահ մասնակից երկրների փոխշահավետ համագործակցության ընդլայնման։

«Հիշեցնեմ, որ 2021 թվականի դեկտեմբերին Մոսկվայում կայացած հիմնադիր ժողովի ժամանակ որոշվել է կենտրոնանալ ընդհանուր հետաքրքրություն ներկայացնող թեմաների վրա՝ առևտրատնտեսական, տրանսպորտային, մշակութային և հումանիտար կապերի զարգացումը, ինչպես նաև ընդհանուր մարտահրավերների դեմ պայքար և սպառնալիքներ»,- հավելել է Գոնչարը։