Ուժեղացնել վերահսկողությունը «հայկական զինված կազմավորումների նկատմամբ»․ Ադրբեջանի ՊՆ

Ադրբեջանի Պաշտպանության նախարար Զաքիր Հասանովը հայտարարել է, որ անհրաժեշտ է ուժեղացնել վերահսկողությունը «հայկական զինված կազմավորումների նկատմամբ»։ Ինչպես հայտնում է APA-ն, այս մասին նա ասել է պաշտպանության նախարարության կոլեգիայի նիստում։

Համապատասխան հանձնարարականներ են տրվել ղարաբաղյան տնտեսական տարածաշրջանում ռուսական խաղաղապահ կոնտինգենտի ժամանակավոր տեղակայման տարածքներում ՀՀ ԶՈւ գործունեության մշտական ​​մոնիտորինգն ու վերահսկողությունն առավել ուժեղացնելու ուղղությամբ։

«Կարևորվել է մարտական ​​հերթապահության և առօրյա ծառայության ընթացքում հրդեհային և այլ անվտանգության կանոնների խստիվ պահպանումը, հատուկ ուշադրությունը անձնակազմի գաղափարական և բարոյահոգեբանական աջակցության հետագա ամրապնդմանը»,-գրում է պարբերականը։