Դրեզդենում կրակոցներ արձակած տղամարդը մահացել է բերման ենթարկվելու ժամանակ ստացած վնասվածքից

Իրավապահները բերման են ենթարկել 40-ամյա տղամարդուն, ով կրակ է բացել Դրեզդենի (Գերմանիա) կենտրոնում և պատանդներ վերցրել։ Այս մասին հայտնում է РИА Новости-ն։

Նախ զինված տղամարդը ներխուժել է տեղի ռադիոկայանի շենք և կրակ բացել։ Այնուհետեւ նա մեքենայով գնացել է առեւտրի կենտրոն, որտեղ պատանդներ է վերցրել:

Կրակողին ձերբակալելու համար ոստիկանությունը լայնածավալ հատուկ գործողություն է սկսել։ 

Գործողության արդյունքում ոստիկանությունն ազատ է արձակել պատանդներին, նրանք չեն տուժել։ Հարձակվողը վիրավորվել է ձերբակալության ժամանակ։

Քաղաքի կենտրոնում կրակելուց առաջ տղամարդը սպանել էր իր 62-ամյա մորը։

Ավելի ուշ հայտնի է դարձել, որ հանցագործը մահացել է ստացած վերքից, հաղորդում է Bild-ը։