Իսպանիայի 17-ամյա արքայադուստրը սիրահարված է ազգային հավաքականի ֆուտբոլիստ Գավիին․ AS

Իսպանիայի թագավոր Ֆելիպե VI-ի և թագուհի Լետիցիայի ավագ դուստրը՝ 17-ամյա արքայադուստր Լեոնորը, սիրահարված է «Բարսելոնա» ֆուտբոլային ակումբի և ազգային հավաքականի 18-ամյա կիսապաշտպան Գավիին։ Այս մասին հայտնում է իսպանական AS օրաթերթը։

Հաղորդվում է, որ Ֆիլիպ VI-րդը Կոստա Ռիկայի հետ խաղից հետո մտել է ազգային հավաքականի հանդերձարան՝ շնորհավորելու ֆուտբոլիստներին հաղթանակի կապակցությամբ (7:0) և միաժամանակ ինքնագիր է խնդրել Գավիից։ Քանի որ թագավորը խնդրել է ֆուտբոլիստին ստորագրել փոքր չափսի մարզաշապիկի վրա, լրագրողները ենթադրել են, որ նվերը նախատեսված է նրա դստեր՝ Լեոնորի համար։ Ըստ մամուլի՝ աղջիկը սիրահարված է մարզիկին, ով, ի դեպ, իրենից ընդամենը մեկ տարով է մեծ, և դպրոց է տանում նրա լուսանկարներով լցված թղթապանակ։

Արքայադուստր Լեոնորը թագավոր Ֆիլիպ VI-ի և թագուհի Լետիցիայի ավագ դուստրն է։ Լեոնորն ունի կրտսեր քույր՝ 15-ամյա Սոֆյան։