Ժան Կլոդ Վան Դամն ուրկաինացի սիրուհի ունի․ ԶԼՄ

Վերջերս հոլիվուդյան դերասան Ժան Կլոդ Վան Դամին տեսել են Ուկրաինայի արեւմուտքում գտնվող կլինիկաներից մեկում։ Վան Դամը չի հայտարարել իր այցի մասին։ Ճամփորդության մասին հայտնի է դարձել, երբ տեղի բժիշկներից մեկն իր սոցցանցում կուռքի հետ լուսանկար է հրապարակել։ Բժիշկը նաեւ նշել է, որ դերասանի կլինիկա այցելելու պատճառը կմնա խիստ գաղտնի։

Սակայն դերասանը, հնարավոր է, առողջությունը բարելավելու համար չէ այցելել Ուկրաինա։ StarHit.ru-ի փոխանցմամբ՝ 62-ամյա դերասանը սիրավեպ ունի ուկրաինուհի Ալյոնա Կավերինայի հետ։ Նրանց հարաբերություններն ավելի քան 10 տարվա պատմություն ունեն։ Վան Դամը գիշերային ակումբում գայթակղվել է մերկապարուհու գեղեցկությամբ։ Աղջիկը կրթությամբ ուսուցչուհի է։

Հաղորդվում է, որ դերասանը սիրելիին ողողել է թանկարժեք նվերներով, նրա համար  անշարժ գույք է գնել։ Եվ նույնիսկ Ուկրաինայի համար դժվարին պահերին նա պատրաստ է ժամադրության գնալ՝ թռչելով աշխարհով մեկ:

Նշենք, որ Ժան Կլոդ Վան Դամն ամուսնացած է։ Նա հաճախ է համատեղ լուսանկարներ հրապարակում կնոջ՝ Գլեդիս Պորտուգեսի հետ՝ նրան անվանելով իր հրեշտակը։