Հռոմի պապը պետությունների ղեկավարներին կոչ է արել Սուրբ Ծնունդին ընդառաջ ազատ արձակել բանտարկյալներին

Հռոմի պապ Ֆրանցիսկոսը կոչ է արել բոլոր պետությունների ղեկավարներին Սուրբ Ծննդյան տոնի կապակցությամբ ազատ արձակել բանտարկյալներին։ Այս մասին հայտնում է Սուրբ Աթոռի մամլո ծառայությունը։

Մամուլի ծառայության փոխանցմամբ՝ գալիք Սուրբ Ծննդյան տոներից առաջ Հռոմի պապ Ֆրանցիսկոսը նամակներ է ուղարկել բոլոր պետությունների ղեկավարներին և հորդորել նրանց ողորմության ժեստ անել՝ ազատ արձակելով «ազատությունից զրկված եղբայրներին ու քույրերին»։

«Որպեսզի լարվածությամբ, անարդարությամբ և հակամարտություններով նշանավորվող այս ժամանակը բացվի Տիրոջ կողմից եկող շնորհի համար»,- հավելել է մամուլի ծառայությունը։