Ծանրորդ Հակոբ Մկրտչյանն ԱԱ-ում գրավել է 6-րդ տեղը

Կոլումբիայի մայրաքաղաք Բոգոտայում անցկացվող ծանրամարտի աշխարհի առաջնությունում Հայաստանի ներկայացուցիչ Հակոբ Մկրտչյանը 96 կգ քաշայինների երկամարտում գրավել է 6-րդ տեղը՝ 368 կգ։

Պոկում վարժությունում նա ցույց է տվել 163 կգ, հրում վարժությունում՝ 205 կգ։

Այս քաշային կարգում Հայաստանի երկրորդ մասնակից Դավիթ Հովհաննիսյանը ձախողվել է։ Պոկում վարժությունում նա բարձրացրել է 165 կգ, իսկ հրում վարժությունում առաջին մոտեցման համար պատվիրած 200 կգ-ն բարձրացնել չի կարողացել։

Չեմպիոնի կոչումը նվաճել է Ղազախստանի ներկայացուցիչ Նուրգիսա Ադիլետուլին՝ 383 կգ (174+209)։

Աշխարհի առաջնությունում Հայաստանի ներկայացուցիչների մասնակցության ժամանակացույցը

Դեկտեմբերի 14, 01:30

Տաթեւ Հակոբյան, 76 կգ (նախնական հայտ՝ 243 կգ)

Միլենա Խաչատրյան, 76 կգ (նախնական հայտ՝ 230 կգ)

04:00

Սամվել Գասպարյան, 102 կգ (նախնական հայտ՝ 400 կգ)

Դեկտեմբերի 15, 01:30

Լիանա Գյուրջյան, 81 կգ (նախնական հայտ՝ 235 կգ)

04:00

Հռիփսիմե Խուրշուդյան, 87 կգ (նախնական հայտ՝ 247 կգ)

Դեկտեմբերի 17, 01:30

Վարազդատ Լալայան, +109 կգ (նախնական հայտ՝ 450 կգ)

Սիմոն Մարտիրոսյան, +109 կգ (նախնական հայտ՝ 440 կգ)