BTS-ի վոկալիստը բանակ է գնացել

BTS հայտնի K-pop խմբի վոկալիստ Ջինը (իսկական անունը՝ Kim Seok-jin) բանակ է գնացել։ Այս մասին հայտնում է Yonhap գործակալությունը։

Նշվում է, որ 30-ամյա կատարողը դարձել է թիմի առաջին անդամը, ով ծառայության է անցել։ Նա ներկայումս գտնվում է Սեուլից 60 կիլոմետր հյուսիս գտնվող ուսումնական կենտրոնում: Հարյուրավոր զինվորականներ, ոստիկաններ, հրշեջներ և լրատվամիջոցներ սպասում էին նրան մուտքի մոտ՝ անվտանգությունն ապահովելու և լուսաբանելու համար: Երաժշտին ուղեկցել են Big Hit Music լեյբլի ներկայացուցիչները։

Հոկտեմբերին հայտնի դարձավ, որ BTS-ը չի ազատվի ծառայությունից։ Հարավային Կորեայի գործող օրենսդրության համաձայն՝ 18-ից 28 տարեկան բոլոր արական սեռի ներկայացուցիչները պարտավոր են երկու տարվա զինվորական ծառայություն անցնել: Այլընտրանքային ծառայություն է մատուցվում ժողովրդական և դասական երաժշտության կատարողներին, ինչպես նաև օլիմպիական չեմպիոններին։