Իր հղիության մասին չիմացած զբոսաշրջիկն անսպասելիորեն ծննդաբերել է ինքնաթիռի զուգարանում

Թամարա անունով զբոսաշրջիկը, անտեղյակ լինելով իր հղիության մասին, գնացել է ինքնաթիռի զուգարան ու անսպասելիորեն երեխա լույս աշխարհ բերել։ Այս մասին հայտնում է New York Post (NYP) թերթը։

Նշվում է, որ միջադեպը տեղի է ունեցել հինգշաբթի՝ դեկտեմբերի 8-ին, հոլանդական KLM Royal Dutch Airlines ավիաընկերության ինքնաթիռում, որը Էկվադորից թռչում էր Իսպանիա՝ Նիդերլանդներում տեխնիկական կանգառով։

Ուղեւորուհին ասել է, որ հղիության նշաններ չի ունեցել, ուստի երեխայի հանկարծակի ծնունդն իսկական անակնկալ է եղել իր համար։ «Նիդերլանդներ վայրէջք կատարելուց մի քանի ժամ առաջ կինը ստամոքսի հատվածում ցավեր ունեցավ և որոշեց գնալ զուգարան: Ի զարմանս իրեն, երկու կծկումներից հետո նա հանկարծակի երեխա ունեցավ, ասվում է հրապարակման մեջ։ «Թամարան գաղափար անգամ չուներ, որ հղի է և ապշած էր այս իրադարձությունից»:

Անսպասելի ծննդաբերությունից հետո երիտասարդ մորն օգնել են երկու բժիշկներ և մի բուժքույր Ավստրիայից, ովքեր եղել են ինքնաթիռում։ Կինը որոշել է որդուն անվանել Մաքսիմիլիանո՝ ի պատիվ ծննդաբերությունից հետո իր կողքին գտնվող ուղեւորներից մեկի։ Երբ ինքնաթիռը վայրէջք է կատարել Շիպհոլ օդանավակայանում, կնոջն ու երեխային դիմավորել են բժիշկների խումբը և տեղափոխել Հարլեմի քաղաքային հիվանդանոց: Մայրն ու նորածինն իրենց լավ են զգում։