Ջենիֆեր Լոպեսը զբոսնել է Բեն Աֆլեքի և իր որդու հետ (լուսանկարներ)

Երգչուհի, դերասանուհի և գործարար Ջենիֆեր Լոպեսը նկարահանվել է ամուսնու՝ դերասան Բեն Աֆլեքի հետ համբուրվելիս։ Համապատասխան նկարները հրապարակում է Daily Mail-ը։

Ջենիֆեր Լոպեսն ու Բեն Աֆլեքը հայտնվել են պապարացիների տեսախցիկների առջև՝ երգչուհու որդու՝ 14-ամյա Մաքսի հետ Լոս Անջելեսի Բրենթվուդ տարածքում զբոսնելիս։ 

Աֆլեքը մի ձեռքով բռնել է Լոպեսին, իսկ մյուս ձեռքով գրկել է խորթ որդուն։ Կադրում է հայտնվել նաև այն պահը, երբ դերասանը համբուրում է կնոջը։

Հուլիսի 16-ին Ջենիֆեր Լոպեսն ու Բեն Աֆլեքն ամուսնացան առաջին նշանադրությունից 20 տարի անց։ Այս ամուսնությունը Ջենիֆերի համար չորրորդն էր։ Նա ամուսնացած է եղել մատուցող Օհանի Նոյի հետ 1997-1998 թվականներին, իսկ 2001-2002 թվականներին ամուսնացած է եղել պարող Քրիս Ջադի հետ: Լոպեսի երրորդ ամուսինը երգիչ Մարկ Էնթոնին էր. նրանք ամուսնացան 2004 թվականին, 2008 թվականին ունեցան երկվորյակներ Մաքսն ու Էմմին, իսկ 2014 թվականին բաժանվեցին։

Ինչ վերաբերում է Աֆլեքին, ապա Լոպեսի հետ ամուսնությունից առաջ նա ամուսնացած է եղել միայն մեկ անգամ՝ դերասանուհի Ջենիֆեր Գարների հետ՝ 2005-ից 2018 թվականներին։ Նախկին ամուսիններն ունեն երեք ընդհանուր երեխա՝ 17-ամյա Վիոլետը, 13-ամյա Սերաֆինան և 10-ամյա Սամուելը։