Նշվել է ԱԱ-2022-ը լուսաբանած ամերիկացի լրագրողի մահվան պատճառը
Սպորտ
Նշվել է ամերիկացի լրագրող Գրանտ Ուոլի մահվան պատճառը Կատարում ընթացող Ֆուտբոլի աշխարհի առաջնության խաղի ժամանակ։ Այս մասին հայտնում է CNN-ը։
Լրագրողի այրին՝ Սելին Գրաունդերը, ասել է, որ իր ամուսինը մահացել է աորտայի անևրիզմայի պատռվածքի պատճառով: «Այդպիսի հիվանդությունը կարող է տարիներով զարգանալ եւ ոչ մի ախտանիշ չունենալ։ Ինչ-ինչ պատճառներով դա տեղի ունեցավ հենց այդ օրը»,- հավելել է Գրաունդերը՝ շնորհակալություն հայտնելով բոլորին աջակցության համար։
Դեկտեմբերի 10-ին Ուոլը մահացել է Դոհայում՝ Արգենտինա-Նիդերլանդներ խաղի քառորդ եզրափակիչը լուսաբանելիս։ «Լուսայիլ» մարզադաշտում 48-ամյա լրագրողը կորցրել է գիտակցությունը, որից հետո բժիշկները փորձել են փրկել նրան։ Նա տեղափոխվել է հիվանդանոց, որտեղ արձանագրվել է նրա մահը։
Նույն օրը մրցաշարի ժամանակ մահացել է կատարյան Al Kass TV հեռուստաալիքի ֆոտոլրագրող Խալիդ ալ-Միսլամը։ Միջադեպի այլ մանրամասներ չեն հաղորդվում։
Հիշեցնենք, որ 48-ամյա Գրանտ Ուոլի եղբայրը հայտարարել էր, որ Կատարում լրագրողը սպառնալիքներ է ստացել ԼԳԲՏ համայնքին աջակցություն հայտնելու համար։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
