Apple-ը հրաժարվում է թողարկել հաջորդ iPhone-ը

Վերլուծաբան Մինգ-Չի Կուոյի խոսքով՝ Apple-ը չեղարկել է iPhone SE 4-ի թողարկումը 2023 թվականին՝ ընկերության ոչ առաջատար սմարթֆոնների մոդելների ցածր պահանջարկի պատճառով։ Այս մասին նա խոսել է Twitter-ի իր էջում։

Apple-ի ստանդարտներով iPhone SE 3-ի, iPhone 13 mini-ի և 14 Plus-ի համեստ առաքումների պատճառով` բյուջետային SE 4 մոդելի թողարկումը կարող է հետաձգվել մինչև 2024 թվականը։ Նաև տեղափոխման հնարավոր պատճառներից է անցումը առանց շրջանակի դիզայնի, ինչը կբերի արտադրության ծախսերի ավելացման։

Վերլուծաբանը նաև նշել է, որ ծախսերի կրճատումը կօգնի Apple-ին հաղթահարել 2023 թվականին համաշխարհային տնտեսական անկման հետևանքով առաջացած խնդիրները։

Սպասվում էր, որ Apple-ը կներկայացնի iPhone SE 4-ը 2023 թվականի գարնանը։ Սմարթֆոնը պետք է ունենար iPhone Xr-ի ոճով թարմացված առանց շրջանակի դիզայն, առաջատար Apple A15 կամ A16 Bionic չիպ, ինչպես նաև 12 մեգապիքսել հիմնական տեսախցիկ: