Շոյգուն առաջարկել է փոխել զինվորական ծառայության զորակոչի տարիքը

Ռուսաստանում անհրաժեշտ է աստիճանաբար քաղաքացիների բանակ զորակոչելու տարիքը 18-ից բարձրացնել 21-ի, իսկ տարիքային շեմը՝ 30-ի։ Այս մասին ՌԴ ՊՆ ռազմական կոլեգիայում հայտարարել է պաշտպանության նախարար Սերգեյ Շոյգուն։

Շոյգուն իր նախաձեռնությունը հիմնավորել է Ռուսաստանի անվտանգության ամրապնդման անհրաժեշտությամբ՝ կապված ՆԱՏՕ-ի՝ Ռուսաստանի սահմանների մոտ «ռազմական ներուժ» ստեղծելու ցանկության հետ, այդ թվում՝ Շվեդիայի և Ֆինլանդիայի հաշվին։

Նա նաև անհրաժեշտ է համարել ՌԴ զինված ուժերի թվաքանակը հասցնել 1,5 միլիոն զինծառայողի, որոնցից 695 հազարը կլինի պայմանագրային զինծառայող։

«Ռուսաստանի Դաշնության ռազմական անվտանգության ապահովման խնդիրների լուծումը երաշխավորելու համար անհրաժեշտ է զինված ուժերի թվաքանակը հասցնել 1,5 միլիոն զինծառայողի, այդ թվում՝ պայմանագրային զինծառայողներինը՝ մինչև 695 հազարի»,- ասել է նախարարը։