Ինչ է սպասվում ՔՊ-ականներին՝ Նիկոլ Փաշինյանի հրաժարականից հետո

Վերլուծական 20 Սեպտեմբեր, 2023 13:21

Ինչ է սպասվում ՔՊ-ականներին՝ Նիկոլ Փաշինյանի հրաժարականից հետո

Երեկվանից Ադրբեջանը լայնամասշտաբ հարձակում է սկսել Արցախի Հանրապետության դեմ՝ ռմբակոծելով ՊԲ դիրքերը, քաղաքացիական օբյեկտները, խոշոր քաղաքներն ու ենթակառուցվածքները: Պատերազմական գործողությունները սկսելուց ժամեր անց տեսաուղերձով հանդես եկավ Նիկոլ Փաշինյանը, ում հնչեցրած գլխավոր մեսիջը հետևյալն էր՝ Հայաստանը չի պատրաստվում միջամտել ռազմական գործողություններին, ասել է թե՝ վերջնականապես լվանում է ձեռքերը Արցախից: Բնականաբար, դրան հետևեցին բողոքի զանգվածային ակցիաները, տասնյակ հազարավոր քաղաքացիներ մինչ ուշ գիշեր Հանրապետության հրապարակում էին և պահանջում էին Փաշինյանից հրաժարական տալ, իսկ ընդդիմադիր դաշտը, կարծես թե, միավորվելու միտված քայլեր է կատարում: Երեկ ՀՅԴ Գերագույն մարմնի ներկայացուցիչ Իշխան Սաղաթելյանը հայտարարեց, որ քննարկումների արդյունքում 30 քաղաքական ուժ եկել են կոնսենսուսի՝ Նիկոլ Փաշինյանի հրաժարականի պահանջի շուրջ:

Բնականաբար, այս ընթացիկ պրոցեսները չեն կարող չմտահոգել Փաշինյանին: Երևանի ավագանու վերջին ընտրությունները ցույց տվեցին, որ նրա քաղաքական ուժի ռեյտինգը չի կազմում անգամ 10 տոկոս, հետևաբար հանրային աջակցության վրա այլևս հույս դնելն անիմաստ է: Մնում է քաղաքական թիմը ու ուժային կառույցները: Սակայն, թե առաջինը, թե մյուսը բավականին մտածելու տեղ ունեն, հաշվի առնելով այն տեղեկությունները, որ Փաշինյանը ՝ ընթացիկ պրոցեսների ֆոնին, կոնսուլտացիաներ է սկսել արևմուտքի հետ՝ հրաժարականի դեպքում անձնական անվտանգության երաշխիքներ ստանալու և երկրից հեռանալու մասով: Փաշինյանի այս մտադրությունը դուր չի եկել ՔՊ-ում առանցքային դիրքեր զբաղեցնող ՔՊ-ականներին, քանի որ ակնհայտ է՝ Փաշինյանը պատրաստվում է փախչել և քցել թիմակիցներին, ովքեր, կտրված լինելով իրականությունից, շարունակում են ատամներով պահել վերջինիս:

Բնական է, որ Փաշինյանին անձնական անվտանգության երաշխիքներ տրամադրել է հենց արևմուտքը: Պարզ է նաև դրա գինը՝ Հայաստանի վարչապետի կողմից վերջին շրջանում ակտիվացած հակառուսական հռետորաբանությունը, ՀԱՊԿ հասցեին ցեխ շպրտելը և ՌԴ-ին տարածաշրջանից դուրս մղելու անթաքույց մտադրությունը; Որոշ տեղեկությունների համաձայն, անգամ Աննա Հակոբյանի այցը Կիև պատահական չէր և վերջինս այնտեղ շուրջ 40 րոպե կորելով ռադարներից հանդիպում է ունեցել ԱՄՆ պետքարտուղար Էնթոնի Բլինքենի հետ, որի ընթացքում էլ քննարկվել են Փաշինյանի և նրա ընտանիքի անդամների անձնական անվտանգության երաշխիքները: Այլ տեղեկությունների համաձայն էլ Դավոսի համաժողովին մասնակցող Փաշինյանի տիկնոջը նկատել են Ցյուրիխի Private banking Julius Baer բաժնում։ Նրա շրջապատում ասում են, որ Աննա Հակոբյանը հաշիվ է բացել իր անունով։ Չի բացառվում, որ Փաշինյանի ընտանիքը ցանկանում է արագորեն որոշակի ակտիվներ դուրս բերել Հայաստանից: Իր հերթին Փաշինյանի դուստրը՝ Շուշան Փաշինյանը, միջազգային դպրոց է ընդունվել Գերմանիայում:

Եթե սա էլ բավարար չէ ՔՊ-ականներին և ուժայիններին մտորելու համար, ապա փաստենք, որ Փաշինյանը սովոր է «ժերտվա տալ» իր կողքին եղած մարդկանց՝ իրեն փրկելու համար՝ Դավիթ Տոնոյան, Օնիկ Գասպարյան, Արտակ Դավթյան, Հայկ Մարության, Արսեն Թորոսյան՝ շարքը կարելի է երկար շարունակել: Այս անգամ խաղադրույքները շատ ավելի բարձր են, հետևաբար, Փաշինյանն էլ կորցնելու ոչինչ չունի, այս դեպքում պետք է մտածեն նրա թիմակիցները և նրա համար վահան աշխատող ուժային կառույցները, որոնց համար անչափ բարդ իրավիճակ է ստեղծվելու, երբ վերջինիս հրաժարականից հետո թողնվեն ճակատագրի քմահաճույքին և Փաշինյանի փոխարեն իրենք պատասխան տան՝ Արցախը և Հայաստանը կործանման եզրին հասցնելու և մյուս բոլոր արհավիրքների և տապալումների համար:

Որոշ տեղեկությունների համաձայն ՔՊ-ում նյարդային իրավիճակ է՝ մեծամասնությունը անգամ չի շտապում հրապարակավ պաշտպանել Փաշինյանի` երեկ հնչեցված դիրքորոշումները: Ըստ էության, ՔՊ-ականները փորձում են հասկանալ, թե ինչ կլինի իրենց հետ, երբ վարչապետը հրաժարական տա և արևմուտքի պատրոնաժի տակ հեռանա երկրից: ժամանակն էլ իր հերթին աշխատում է ՔՊ-ականների դեմ, քանի որ գործընթացները սրընթաց են զարգանում, իսկ թիվ 1 բորտում ամբողջ քաղաքական թիմի համար ակնհայտ է , որ տեղ չի գտնվելու...