Ուր են և ինչու են լռում Հայաստանի խոշոր գործարարներն ու պաշտոնյաները. մաս 13. Արտեմ Ասատրյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական կարևորագույն պաշտոններ, հարստություն և բիզնես են դիզել՝ Հայաստանի և Արցախի անունը հոլովելով, իսկ այսօր, երբ Արցախում տեղի է ունենում անթաքույց ցեղասպանություն, լռում են և նախընտրում են մնալ ստվերում:

Հաջորդիվ կանդրադառնանք աշխատանքի և սոցիալական հարցերի նախկիննախարար Արտեմ Ասատրյանին: 2016-ի թվականի ապրիլյան պատերազմից հետո Ասատրյանը նախագիծ էր մշակել, համաձայն որի Արցախ մեկնած կամավորներին տրվում էր աշխատանքի պահպանման երաշխիք: Արցախ կատարած բազմաթիվ այցերի ընթացքում Ասատրյանն Արցախի գործընկերների հետ նախանշում էր Արցախում կուտակային կենսաթոշակային համակարգին անցնելու մեխանիզմները:

Արտեմ Ասատրյանը նաև պարբերաբար հանդիպում էր ազատամարտիկների սոցիալական խնդիրների համար պայքարող «Արժանապատիվ ազատամարտիկ» միավորման ներկայացուցիչների հետ։

Եռատոնի կապակցությամբ Արտեմ Ասատրյանի հղած ուղերձները մշտապես նույն շեշտադրումներն էին պարունակում, նա նշում էր, որ խոնարհվում է Հայրենական Մեծ պատերազմի, Արցախյան ազատամարտի մասնակիցների և վետերանների առջև, ովքեր իրենց կյանքի գնով, անձնուրաց նվիրվածությամբ և սխրագործությամբ հաղթանակներ կերտեցին և մեզ խաղաղ ապրելու իրավունք պարգևեցին:

2018-ին պաշտոնը լքելուց հետո Արտեմ Ասատրյանը դադարել է երևալ քաղաքական դաշտի ռադարներին, սակայն առնվազն այս պահին, երբ այն երկիրը, որտեղ վերջինս երկար ժամանակ բարձր պաշտոններ է զբաղեցրել, գտնվում է ծանրագույն մարտահրավերների առջև, երբ Արցախի գոյությունը վտանգված է, իսկ Եռատոնը՝ վերացված, առնվազն սպասելի էր, որ այդպիսի կալիբրի նախկին պաշտոնյան քաղաքացիական դիրքորոշում կհայտնի տեղի ունեցողի վերաբերյալ: Սակայն, ունենք այն, ինչ ունենք:

Շարունակելի...

Այս թեմայով Արտաշ Ասատրյանը խոսել է հոր՝ Արամ Ասատրյանի մահվան հանգամանքների մասին (տեսանյութ) Տիգրան Ասատրյանն անկեղծացել է բանտում հայտնվելու և Արտաշ Ասատրյանի հետ հաշտության մասին Արամ Ասատրյանի հղի կինը կաթիլայիններ է ստանում. ի՞նչ է պատահել «Գնահատողը գնահատում ա». Արտաշ Ասատրյանը` «ժողովրդական արտիստ» կոչման չեղարկման մասին Տիգրան Ասատրյանի բացառիկ խոստովանությունը` Արտաշի դստեր հարսանիքին չմասնակցելու պատճառի մասին