Իսկ «Շվեյցարիան» ո՞ւր մնաց...

Դիլիջանի ՔՊ-ական քաղաքապետը, ով հանրությանը առավել հայտնի է ոչ թե իր իրականացրած կայսերական ծրագրերով, այլ սեփական կենսագրության մեջ սեռը՝ «արու» նշելով, բարեհաճել է հաշվետու լինել իր կատարած աշխատանքի մասին: 

Սարգսյանի «տիտանական» աշխատանքը «տպավորիչ» է:  Դիլիջան քաղաքում և բնակավայրերում կառուցվել են 16 բազմաֆունկցիոնալ, դիլիջանյան ոճին համապատասխան, փայտե կոնստրուկցիաներով կանգառներ։ Կոմունալ տնտեսության սպասարկման համար ձեռք են բերվել 1 միավոր աղբատար մեքենա և շուրջ 200 աղբաման։ Համայնքում տրանսպորտային երթուղիները սպասարկելու համար ձեռք են բերվել 2 միավոր ավտոբուս։

2021-ին ընտրվելիս Սարգսյանը խոստանում էր Դիլիջանը գրեթե Հայկական Շվեյցարիա դարձնել․ նայելով վերջինիս կատարած աշխատանքին՝ տպավորություն է ստեղծվում, որ քաղաքապետը անչափ թյուր պատկերացում ունի այդ երկրի և վերջինիս հաջողության գաղտնիքների մասին: Բացի այդ, դժվար է հասկանալ, թե ինչու է քաղաքապետը հպարտանում մի աշխատանքով, որը կոմունալ տնտեսության վարչության և տրանսպորտի վարչության պետերին է հարիր և ոչ թե քաղաքագլխին: Դեռ մի բան էլ հայտարարում է, որ այս հսկայական աշխատանքը ամբողջ թիմով են կատարել՝ դրանով իսկ ի ցույց դնելով, որ Դիլիջանի ՔՊ-ական ավագանին մեկ տարվա «մեջ վիզ» դրած աշխատելով բաշարել է միայն կանգառ վերանորոգել և երկու ավտոբուս ձեռք բերել: Հարց է առաջանում՝ բա Շվայցարիան ուր՞ մնաց...