Արևմուտքը նոր էսկալացիայի քարտ-բլանշ է տալիս Ադրբեջանին՝ սեփական էներգետիկ շահերից ելնելով

Ադրբեջանի դեմ պատժամիջոցների կիրառումը կխանգարի Հայաստանի հետ խաղաղ գործընթացին: Այս մասին Երևանում կայացած ճեպազրույցի ժամանակ հայտարարել է Գերմանիայի Բունդեսթագի իրավական հարցերի հանձնաժողովի նախագահ Էլիզաբեթ Վինկելմայեր-Բեքերը: Նրա խոսքով՝ փաստերը, որոնք բերվում են Բաքվի նկատմամբ պատժամիջոցներ կիրառելու համար, միանգամայն արդարացի են։ «Իմ կարծիքով՝ պատժամիջոցները հաճախ սահմանափակ հաջողություն են ունենում։ Ցանկանում եմ մի փոքր նվազեցնել ձեր ակնկալիքներն ու հույսերն այս հարցի շուրջ, քանի որ, համենայնդեպս, այս փուլում նման պատժամիջոցների կիրառումը կարող է խանգարել խաղաղ գործընթացի արդյունավետությանը», — հավելել է գերմանացի քաղաքական գործիչը։

Սա եվրոպացի պաշտոնյայի կողմից հնչեցված առաջին նման հայտարարությունը չէ: Ֆրանսիայի նախագահ Էմանուել Մակրոնը  Ադրբեջանի դեմ պատժամիջոցների կիրառումը նույնպես անարդյունավետ է համարում։ «Հիմա պատժամիջոցների ժամանակը չէ, դրանք անարդյունավետ կլինեն և կխոչընդոտեն Հայաստանի տարածքն ու նրա բնակչությանը լավագույնս պաշտպանելուն: Այժմ պահանջկոտության, հստակության, պարտավորությունների պահպանման և ռազմական աջակցության ժամանակն է. այս տարբերակն է ընտրել Ֆրանսիան: Մենք պետք է շարունակենք երկխոսությունն Ադրբեջանի հետ»,- ասել է Ֆրանսիայի նախագահը։

Ինչ վերաբերվում է ԱՄՆ-ին, ապա Վաշինգտոնն Ադրբեջանի դեմ երբեք պատժամիջոց չի կիրառելու, որովհետեւ Ադրբեջանն ԱՄՆ-ի համար ոչ պակաս կարեւոր երկիր է, քան Հայաստանը, եթե ոչ ավելի կարեւոր: Չմոռանանք պետքարտուղարության այն հայտարարությունը, որ եթե Իրան-Ադրբեջան ռազմական բախում լինի, ապա ԱՄՆ-ն Ադրբեջանի կողքին է կանգնելու: Այսինքն՝ Իրանին պատերազմական գործողությունների մեջ ներքաշելու լավագույն միջոցներից մեկը դիտարկվում է Ադրբեջանը: Այնպես որ, սա մեծ խաղի ընդամենը մեկ բաղադրիչն է: 

Սակայն, ակնհայտ է, որ Եվրոպային և ԱՄՆ-ին մտահոգում է ոչ այնքան խաղաղության հաստատումը, որքան սեփական էներգետիկ շահերը: Ընդամենն ամիսներ առաջ Բրյուսելն ու Բաքուն պայմանավորվածություն են ձեռք բերել Ադրբեջանից Եվրոպական միություն գազի մատակարարումների ավելացման վերաբերյալ: Ադրբեջանը Եվրամիությանը 2021 թվականին մատակարարել է 8,1 մլրդ խմ գազ, 2022 թվականին՝ 11,3 մլրդ խմ։ Ընդամենն օրեր առաջ էլ  Վաշինգտոնում գտնվող Ադրբեջանի էներգետիկայի նախարար Փարվիզ Շահբազովը հանդիպում է ունեցել ԱՄՆ նախագահի օգնական Սառա Լադիսլավի հետ: Ադրբեջանական կողմի փոխանցմամբ՝ հանդիպմանը քննարկվել են տարածաշրջանային և միջազգային նշանակության էներգետիկ նախագծերի իրականացման երկարաժամկետ համագործակցությանը վերաբերող հարցեր։ Ըստ հաղորդագրության՝ ընդգծվել է Հարավային գազային միջանցքի դերը։ Հարավային գազային միջանցքը կառուցվել է Եվրամիության գազամատակարարումը դիվերսիֆիկացնելու և մատակարարման մեկ աղբյուր ունեցող եվրոպական երկրների թիվը նվազագույնի հասցնելու նպատակով: Մասնագետների գնահատմամբ` թեև ադրբեջանական գազը կարող է օգնել Եվրամիության երկրներին հրաժարվել ռուսական գազից, ծավալները, սակայն, բավարար չեն այն ամբողջությամբ փոխարինելու համար:

Այս թեմայով Բայդենն ասել է, որ Մերձավոր Արևելքում հնարավոր է գտնել դիվանագիտական լուծում Փաշինյանը ՌԴ-Արևմուտք «սեքսի ծնունդ» է, նա աշխարհաքաղաքական կոնսենսուսի արդյունք է, հարմար է բոլորին. Զոհրաբյան (տեսանյութ) Հայաստանի քաղաքական վեկտորը գնալով թեքվում է դեպի Արևմուտք. ՌԴ փոխվարչապետ Աննախադեպ ռեպրեսիաների քարտ-բլանշ Արևմուտքից՝ Նիկոլ Փաշինյանին Բոլթոն-Փաշինյան-Մուր ծրագիրն՝ ընդդեմ Իրանի