ԵՄ–ն պաշտոնապես հրաժարվել է Հունգարիային 1,4 միլիարդ եվրո հատկացնել իր միջոցներից. AFP

Հունգարիային պաշտոնապես մերժել են միլիարդ եվրո տրամադրել Եվրամիության միջոցներից, որոնք սառեցվել են կոռուպցիայի պատճառով, հայտարարել են ԵՄ-ում:  Սա առաջին անգամ է, երբ դաշինքը դիմում է նման միջոցների, գրում է Ֆրանսպրես գործակալությունը։

Բրյուսելը Հունգարիայի դեմ վարույթ է սկսել 2022 թվականին՝ փորձելով արգելափակել վճարումները պետական ​​գնումներին առնչվող ենթադրյալ խախտումների և վերահսկողության ու թափանցիկության բացակայության պատճառով:

Բուդապեշտը բարեփոխումներ է իրականացրել, որոնք հնարավորություն են տվել որոշ միջոցներ բաց թողնել, սակայն ընդհանուր առմամբ 19 միլիարդ եվրոն դեռևս սառեցված է։

Ըստ պայմանների մասին սահմանված ԵՄ ժամկետների՝ «կասեցված պարտավորությունների՝ 1,04 միլիարդ եվրո կազմող առաջին տրանշն» ավարտվել է 2024 թվականի վերջին՝ առանց կասեցումը չեղարկելու, երեքշաբթի ուշ երեկոյան հայտնել են հանձնաժողովից։

Սա նշանակում է, որ Հունգարիան կորցրել է այդ ֆինանսավորումը։

2024-ի հուլիսին Եվրահանձնաժողովը զեկույցում եզրակացրել էր, որ Հունգարիան չի համապատասխանում ԵՄ ժողովրդավարական չափանիշներին, մասնավորապես՝ կոռուպցիայի, քաղաքական ֆինանսավորման, շահերի բախման և լրատվամիջոցնների անկախության առնչությամբ:

2018 թվականի սեպտեմբերից Հունգարիան դարձել է 7-րդ հոդվածի ընթացակարգի թիրախը, ըստ որի պատժամիջոցներ է սահմանվում անդամ երկրների նկատմամբ օրենքի գերակայության «լուրջ խախտման» համար և տեսականորեն կարող է հանգեցնել ԵՄ խորհրդում երկրի ձայնի իրավունքի կասեցմանը։