Այսօր Արցախի հերոս Շահեն Մեղրյանի ծննդյան օրն է
Բլոգոսֆերա
Այսօր Արցախի հերոս, Շահումյանի արծիվ Շահեն Մեղրյանի ծննդյան օրն է: «Պատիվ ունեմ» խմբակցության քարտուղար Տիգրան Աբրահամյանն իր ֆեյսբուքյան էջում գրել է․
«Մեղրյանն այն կերպարներից էր, ով 1988 թվականին սկիզբ առած ազգային-ազատագրական պայքարի առաջին օրերից գիտակցում էր, որ պայքարը տարբեր հրապարակներով, հայտարարություններով հաջողություն չի բերի և ճիշտը տեղերում ինքնապաշտպանություն կազմակերպելն է:
Իր վրա վերցնելով Շահումյանի պաշտպանության պատվաբեր առաքելությունը, Շահեն Մեղրյանը համախմբեց ոչ միայն տեղացիների, այլ տարբեր հատվածներից օգնության շտապող անհատներին և ջոկատներին:
Նրա վաստակն այնքան մեծ է, որ նույնիսկ նրա մահից հետո (1993 թ.), վերջինիս ջոկատի հիման վրա Արցախում զորամաս հիմնվեց (Եղնիկներ), իսկ նրա շատ զինակիցներ հետագայում իրենց ծառայությունը շարունակեցին Քարվաճառի, Հաթերքի, Եղնիկների և Մատաղիսի զորամասերում:
Մեղրյանն այն անհատներից էր, ով նախապատվությունը տվեց արժանապատիվ կյանքին և իր ողջ ուժերը կենտրոնացրեց հայության պաշտպանության կազմակերպմանն ու գաղափարի շուրջ մարդկանց համախմբմանը:
Փառք մեր բոլոր նվիրյալներին,
հավերժ փառք մեր նահատակներին»։
Ամենադիտված 
«Դե գնա․․․»․ ռուս հաղորդավարուհու արձագանքը՝ Ռուսաստանին ուղղված Ալիևի պահանջներին (տեսանյութ)
