WSJ. Թրամփ-Զելենսկի հանդիպումից հետո ԱՄՆ-ը սառեցրել է Ուկրաինային զենքի մատակարարումները

ԱՄՆ նախագահ Դոնալդ Թրամփի վարչակազմը դադարեցրել է Ուկրաինային զենքի նոր մատակարարումների ֆինանսավորումը և քննարկում է ամերիկյան պահեստներից զենքի մատակարարումները սառեցնելու հարցը։ ТАСС-ի փոխանցմամբ՝ այս մասին հայտնում է The Wall Street Journal-ը՝ վկայակոչելով ԱՄՆ ներկայիս և նախկին պաշտոնյաներին։

Ֆինանսավորումը դադարեցնելու որոշումը կայացվել է Թրամփի վարչակազմի կողմից արտաքին օգնության ընդհանուր սառեցման ֆոնին: Սակայն զենքի մատակարարման հիմնական ալիքի արգելափակումը տեղի է ունեցել Սպիտակ տանը ԱՄՆ նախագահի և Վլադիմիր Զելենսկու լարված հանդիպումից մի քանի օր անց։ «Սա ամենավատ հայտարարությունն է, որ Զելենսկին կարող էր անել, և Ամերիկան ​​դա երկար չի հանդուրժի»։ - Երկուշաբթի ավելի վաղ գրել է Թրամփը Truth Social սոցիալական ցանցում

Ինքը՝ Թրամփը, խոստովանել է, որ իր երկիրը կարող է դադարեցնել Ուկրաինային ռազմական օգնություն տրամադրելը։

Ավելի վաղ New York Times-ը, հղում անելով աղբյուրներին, հայտնել էր, որ Թրամփը մարտի 3-ին կհանդիպի ազգային անվտանգության իր թիմի հետ՝ քննարկելու և, հնարավոր է, միջոցներ ձեռնարկելու Ուկրաինայի վերաբերյալ, ներառյալ Կիևին ռազմական օգնության դադարեցումը կամ չեղարկումը:

Թարգմանությունը՝ Մանուել Թամազյանի