Նյու Յորքի Հետաքննությունների դաշնային բյուրոյի ղեկավարը Թրամփին քննադատելուց հետո ստիպված է եղել հրաժարական տալ
ԱՄՆ
ՀԴԲ-ի Նյու Յորքի գրասենյակի ղեկավար Ջեյմս Դենեհին ստիպված է եղել հրաժարական տալ երկրի նախագահ Դոնալդ Թրամփին քննադատելուց հետո։ Այս մասին հայտնում է NBC News հեռուստաալիքը։
Հեռուստաալիքի տվյալներով՝ Դենեհիին ընտրության հնարավորություն է տրվել՝ կա՛մ ինքը լքում է իր պաշտոնը, կա՛մ կազատեն աշխատանքից։
«Ուրբաթ օրը տեղեկացա, որ այսօր պետք է հրաժարականի դիմում ներկայացնեմ, ինչն էլ արեցի»,- ասել է նա։
Գերատեսչության նախկին ղեկավարը նշել է, որ նման վերջնագրի պատճառն իրեն չի ասվել, սակայն հունվարի վերջին նա նամակ է ուղարկել գործընկերներին, որտեղ կոչ է արել «հաստատակամություն ցուցաբերել» Արդարադատության նախարարության պահանջից հետո՝ տրամադրել ՀԴԲ աշխատակիցների ցուցակը, ովքեր զբաղվում էին Կապիտոլիումի գրոհի գործով։
Փետրվարի սկզբին ԱՄՆ ընտրական հանձնաժողովի նախագահ Էլեն Վայնտրաուբը հայտնել էր, որ Թրամփից հրաժարականի դիմում է ստացել։
Հաղորդվել է նաև, որ տարվա առաջին ամսում ԱՄՆ կառավարության 40 000 աշխատակից համաձայնել է ընդունել Թրամփի վարչակազմի առաջարկը՝ հրաժարական տալ իրենց աշխատավարձի ութապատիկի չափով փոխհատուցման և ութ ամսվա նպաստների դիմաց։
ՈՒՂԻՂ ԵԹԵՐ
Ամենադիտված 
Ջուր հավաքեք․ ջուր չի լինելու
