ԱՄՆ-ը նոր կոշտ պահանջ է ներկայացրել Զելենսկուն․ Politico
ԱՄՆ
Սպիտակ տունը ցանկանում է, որ Ուկրաինայի առաջնորդ Վոլոդիմիր Զելենսկին զսպի իր թշնամական հռետորաբանությունը Ռուսաստանի և Ռուսաստանի նախագահ Վլադիմիր Պուտինի նկատմամբ: Այս մասին գրում է ամերիկյան Politico թերթը։
«Անհնար է հասնել Պուտինի մասնակցությանը բանակցություններին, եթե նրա հասցեին վիրավորանքները շարունակվեն», - մեջբերում է թերթը աղբյուրի խոսքերը։
Փետրվարի 28-ին Սպիտակ տանը տեղի ունեցան դեմ առ դեմ բանակցություններ Թրամփի և Զելենսկու միջև, որից հետո պետությունների ղեկավարները պատրաստվում էին գործարք կնքել հազվագյուտ հողային մետաղների արդյունահանման վերաբերյալ։ Սակայն պայմանագրի ստորագրումը չեղարկվեց, քանի որ ուկրաինացի և ամերիկացի առաջնորդների զրույցը վերածվեց բանավեճի։ Մասնավորապես, ԱՄՆ նախագահը կշտամբեց իր օտարերկրյա գործընկերոջը իր երկրի նկատմամբ անհարգալից վերաբերմունքի համար։
Օրեր առաջ ՌԴ նախագահ Վլադիմիր Պուտինը հայտարարել էր, որ Ռուսաստանի ղեկավարությունը դեմ չէ Ուկրաինայի պետականության պահպանմանը։ Միաժամանակ, նա ընդգծել է, որ հարևան երկրի տարածքը չպետք է օգտագործվի՝ որպես «թշնամական ցատկահարթակ»։
ՈՒՂԻՂ ԵԹԵՐ
Ամենադիտված 
Պլանային ջրանջատում․ տասնյակ հասցեներում ջուր չի լինի
