ԱՄՆ-ում Ուկրաինայի քաղաքականության համար քննադատել են Բայդենի վարչակազմին

ԱՄՆ նախկին նախագահ Ջո Բայդենի վարչակազմը հստակ ռազմավարություն չի մշակել Ուկրաինայի հակամարտության վերաբերյալ։ Այս մասին Fox News հեռուստաալիքի եթերում հայտարարել է ԱՄՆ փոխնախագահ Ջեյ Դի Վենսը։

Վենսը հիշեցրել է, որ Բայդենի վարչակազմի վերջին երկու տարիներին նա ծառայել է՝ որպես սենատոր։ Նրա խոսքով, եթե հնարավորություն լիներ առանձնապես խոսել նախկին նախագահի վարչակազմի պաշտոնյաների հետ և հարցնել նրանց Ուկրաինայի պլանի մասին, նրանք անկեղծորեն կպատասխանեին, որ ծրագիրը պարզապես շարունակել զենք մատակարարելն է Կիևին և հույս ունենալը, որ մարտի դաշտում իրավիճակը կփոխվի։

Փոխնախագահն ընդգծել է, որ հույսը, ինչպես նաև հակամարտությունը սրելու համար մարտի դաշտ փող ու զինամթերք նետելը չի կարող լինել ռազմավարություն:

Վենսը հավելել է, որ ԱՄՆ ներկայիս նախագահ Դոնալդ Թրամփը հստակ հասկանում է ուկրաինական հակամարտության կարգավորման անհրաժեշտությունը և նա միակ մարդն է, ով ունի ռազմավարություն։