Իմ պատկերացրած Գյումրին պետք է դադարի կռիվ տալ անցյալի հետ. Ռուբեն Մխիթարյանը փաստաթղթերը ներկայացրել է ԸԸՀ
Քաղաքական
Գյումրիի քաղաքապետի թեկնածու Ռուբեն Մխիթարյանը գրանցման և ընտրական ցուցակի էլեկտրոնային եղանակով ձևավորման համար օգտահաշիվ ստանալու նպատակով համապատասխան փաստաթղթերը ներկայացրել է ընտրատարածքային ընտրական հանձնաժողով:
«Իմ պատկերացրած Գյումրին ոչ միայն Հայաստանի հայերի հայրաքաղաքն է, այլ համայն հայերի հայրաքաղաքն է, որովհետև Գյումրին մեր ժողովրդի բոլոր դժվար ժամանակահատվածներում իսկապես հայրություն է արել իր որբերին»,- լրագրողների հետ զրույցում ասել է Մխիթարյանը:
Նրա խոսքով՝ իր պատկերացրած Գյումրին պետք է դադարի կռիվ տալ անցյալի հետ, որպեսզի «չհայտնվի հերթական ներկայի ճահիճում»։
«Իմ պատկերացրած Գյումրին ապագայի Գյումրին է, այն Գյումրին է, որն ընդհանրապես կոնֆլիկտի մեջ չի նախկին Լենինականի հետ, այլ շարունակողն է Լենինականի փառահեղ ավանդույթների»,- նշել է Մխիթարյանը:
Հիշեցնենք, որ «Իմ հզոր համայնք» կուսակցությունը որոշում է ընդունել Գյումրու քաղաքապետի ընտրություններին մասնակցել Ռուբեն Մխիթարյանի առաջնորդությամբ:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
