ԱՄՆ դոլարը կտրուկ անկում է գրանցել՝ հասնելով երեք տարվա իր նվազագույնին

Դոլարի ինդեքսը (ցուցանիշ, որն արտացոլում է ամերիկյան արժույթի հզորությունը աշխարհի այլ խոշոր արժույթների նկատմամբ-խմբ․) 2022 թվականի մարտից ի վեր առաջին անգամ իջել է 98 կետից՝ համաձայն CNBC-ի տվյալների։

Ցուցանիշը նվազել է մինչև 97,92 կետ։ Այն հաշվարկվել է Միացյալ Նահանգների առևտրային գործընկերների վեց արժույթների հիման վրա՝ եվրո, իեն, ֆունտ ստերլինգ, կանադական դոլար, շվեդական կրոն և շվեյցարական ֆրանկ։

Նախագահական ընտրություններում Դոնալդ Թրամփի հաղթանակը խթանեց այս ցուցանիշի արագ աճը՝ դոլարի ինդեքսը հասավ 110,18 կետի պիկին։ Սակայն Թրամփի երդմնակալությունից և պաշտոնավարման առաջին քայլերից հետո ցուցանիշը սկսեց նվազել։

Գործընթացն արագացավ գրեթե ողջ աշխարհին առևտրային պատերազմի հայտարարմամբ։