Էս ամեն ինչն արվում է, որ վաղվա միջոցառմանն ավելի շատ մարդ գնա․ Ալեն Սիմոնյանը՝ ԱԺ–ում ծեծկռտուքի մասին

Դաշնակցության խմբակցության ներկայացուցիչների մեջ խոսակցություն էր գնում, ինչին արձագանքեցի, ասեցի՝ իրար հետ չլուծված հարց ունե՞ք, ի պատասխան դրան՝ պարոն Մինասյանն ասաց՝ ես էլ միկրաֆոնս կարող եմ միացնել և խոսել, բայց չեմ անում, դրան ի պատասխան ասացի՝ պարոն Մինասյանը նստի, դրան ի պատասխան Գառնիկ Դանիելյան ասաց՝ մի նստի Արծվիկ, որն իմ մոտ ծիծաղ առաջացրեց, որից հետո Մանուկյանն սկսեց տեղից բղավել, ինչին ստացավ իր պատասխանը, և տեղի ունեցավ ընդհարումը։ Այս մասին լրագրողների հետ զրույցում ասաց ԱԺ նախագահ Ալեն Սիմոնյանը՝ անդրադառնալով խորհրդարանի դահլիճում տեղի ունեցած ծեծկռտուքին։

«Սա չեմ կարծում, որ կռվելու տեղ է, կամ կռվի հետ կապված գլուխ գովալու, բայց աչքիս առաջ էն տեսարանը եկավ, որ արագ ոստոստում էր դեպի Դաշնակցության գրասենյակ, որպեսզի ոստիկաններից փախչի։ Եկել ես, էդ ի՞նչ պահվածք ա։ Գալիս կնոպկեն սղմում, փախչում են դահլիճից։ Գալիս են մի հատ էլ գոռում են, մտածում են, պատասխան չեն ստանա։ Էս ամեն ինչն արվում է, որ վաղվա միջոցառմանն ավելի շատ մարդ գնա, հետո էլ դրսից շատ դաշնակցական ընկերներ են եկել, պետք է աշխատանք ցուցադրվի, որ իրավիճակը լարված է»,– ասաց նա։