Սպիտակ տան Ազգային անվտանգության ծառայության ավելի քան 100 աշխատակից վարչական արձակուրդի է ուղարկվել

ԱՄՆ նախագահ Դոնալդ Թրամփի վարչակազմը վարչական արձակուրդի է ուղարկել Սպիտակ տան Ազգային անվտանգության խորհրդի (ԱԱԽ) ավելի քան 100 աշխատակցի։ Այս մասին հայտնել է ամերիկյան CNN հեռուստաալիքը՝ հղում անելով իր աղբյուրին։

«Մոտավորապես ժամը 16:20-ին (Երևանի ժամանակով՝ 00:20 – խմբ.) Ազգային անվտանգության խորհրդի աշխատակազմի ղեկավար Բրայան Մաքքորմակը էլեկտրոնային նամակ է ուղարկել, որում տեղեկացրել է կասեցված աշխատակիցներին, որ նրանք 30 րոպե ունեն աշխատավայրը լքելու համար», - ասվում է հոդվածում։

Հեռուստաալիքի տվյալներով՝ նույն նամակում աշխատակիցներին տեղեկացվել է, որ նրանք կարող են ավելի ուշ վերցնել իրենց իրերը, եթե այդ օրը բացակայեն աշխատանքից։