Ես միշտ վիճել եմ իշխանությունների հետ, երբեք չեմ վիճում ընդդիմության հետ. Մանուկյան

«Եթե չկա համաժողովրդական շարժում, նպատակները հստակ չեն, ոչ մի բան արդյունք չի բերի»,-«Ազգային ժողովրդավարական միություն» կուսակցության (ԱԺՄ) համագումարից հետո լրագրողներին ասաց «Ազգային ժողովրդավարական միություն» կուսակցության նախագահ Վազգեն Մանուկյանը՝ պատասխանելով հարցին, թե որքանո՞վ է այս փուլում իմպիչմետն իրատեսական։ 

Նա նաև նշեց, որ այդ  նպատակը միայն Նիկոլ գցելը չէ, նաև որոշակի խնդիրներ ու  ճանապարհ պետք է նշել։ 

Մանուկյանի խոսքով, իմպիչմենտը ենթադրում է, որ դրա շուրջ պետք է հավաքված լինի շարժում, իսկ եթե քաղաքական ուժերին թվում է, որ Գյումրու ընտրությունների նման կարող են առանձին-առանձին մասնակցել ու հաղթել իշխանությանը, այդպես հնարավոր չէ. «Այդ սցենարը հնարավոր չէ, հիմիկվանից մտածեն, որ դիմացինն անելու  ցանկացած խախտում իշխանության մնալու համար»։ 

«Ես միշտ վիճել եմ իշխանությունների հետ, երբեք չեմ վիճում ընդդիմության հետ»,- ասաց Վ.Մանուկյանը։