Տրանսպորտի ուղեվարձը չվճարելու դեպքում քաղաքացին կտուգանվի. ԱԺ-ն ընդունեց օրինագիծը

Ազգային ժողովի արտահերթ նիստում այսօր երկրորդ ընթերցմամբ և ամբողջությամբ 61 կողմ, 2 դեմ, 24 ձեռնպահ ձայներով ընդունվեց Երևանի քաղաքապետարանի մշակած օրենսդրական նախագծերի նոր փաթեթը, որը նախատեսում է տուգանքներ տրանսպորտի համար չվճարող ուղևորների համար։ 

Նախագծով Երևանում տրանսպորտի ուղեվարձի չվճարման կամ համապատասխան կրիչը չվավերացնելու համար տուգանքը կկազմի 15 հազար դրամ։

Եթե քաղաքացին օգտվել է ոչ իր կողմից ձեռք բերված կամ արտոնություն ունեցող անձի քարտից կամ արտոնությունից, ապա այս դեպքում սահմանվում է կրկին 15 հազար դրամի չափով տուգանք։

Սահմանվում է 3000 դրամի տուգանք, եթե անձը ունի նման արտոնություն կամ ամսական փաթեթ, սակայն չի վավերացրել կրիչը տրանսպորտային միջոցում։