Բացահայտվել է Իսրայել-ՀԱՄԱՍ գործարքի ԱՄՆ-ի ծրագիրը

Իսրայելի և պաղեստինյան ՀԱՄԱՍ արմատական շարժման գործարքի վերաբերյալ ԱՄՆ-ի ծրագիրը ենթադրում է հինգ փուլով պատանդների ազատ արձակում հրադադարի 60-օրյա ժամանակահատվածում: Առաջարկի մանրամասները բացահայտում է Al-Ghad-ը՝ հղում անելով աղբյուրներին։

Ենթադրվում է, որ ՀԱՄԱՍ-ը կազատի տասը կենդանի պատանդների և լրացուցիչ կփոխանցի ևս 18 մարմին: Առաջին օրը կազատվեն ութ կենդանի պատանդներ, յոթերորդ օրը՝ հինգ մարմին, իսկ երեսուներորդ օրը՝ ևս հինգ մարմին: Եթե առաջարկը հաստատվի և համաձայնեցվի, հիսուներորդ օրը ազատ կարձակվեն ևս երկու կենդանի, իսկ վաթսուներորդ օրը կփոխանցվեն ևս ութ պատանդների մարմիններ:

Իր հերթին, Իսրայելի բանակը զորքերը դուրս կբերի Գազայի հատվածի հյուսիսային և հարավային շրջաններից և տվյալներ կտրամադրի Գազայի հատվածում 2023 թվականի հոկտեմբերի 7-ից հետո ձերբակալված պաղեստինցի բանտարկյալների մասին: ՀԱՄԱՍ - ը պարտավորվելու է համաձայնագրի տասներորդ օրը տրամադրել մնացած պատանդների հետ կապված բոլոր տեղեկությունները: