Թրամփը հաստատել է՝ հուլիսի 3-ին հեռախոսազրույց կունենա Պուտինի հետ

ԱՄՆ նախագահ Դոնալդ Թրամփը հայտնել է, որ հուլիսի 3-ին, Երևանի ժամանակով ժամը 19:00-ին, հեռախոսազրույց կունենա Ռուսաստանի նախագահ Վլադիմիր Պուտինի հետ։ Այս մասին նա գրել է Truth Social հարթակում՝ նշելով․ «Խոսելու եմ Ռուսաստանի նախագահի հետ։ Շնորհակալություն»։

Զրույցի մասին ավելի վաղ ազդարարել էր նաև Վլադիմիր Պուտինը՝ մասնակցելով ռազմավարական նախաձեռնությունների ֆորումին։ Նախորդ զրույցը տեղի էր ունեցել հունիսի 14-ին և տևել էր 50 րոպե։

Այդ ընթացքում Պուտինը քննադատել էր Իսրայելի գործողությունները Իրանի դեմ, իսկ Թրամփը իրավիճակը գնահատել էր «չափազանց լարված»։