Լավրովը շնորհավորել է Բելառուսի ժողովրդին

Ռուսաստանի արտաքին գործերի նախարար Սերգեյ Լավրովը շնորհավորել է հանրապետության արտաքին գործերի նախարար Մաքսիմ Ռիժենկովին և բոլոր բելառուս ժողովրդին Բելառուսի Անկախության օրվա կապակցությամբ։ Այս մասին տեղեկանում ենք Ռուսաստանի արտաքին գործերի նախարարության կայքէջից։

Բելառուսի Անկախության օրը սահմանվել է ի պատիվ Մինսկ քաղաքի ազատագրման գերմանական զորքերից Կարմիր բանակի կողմից 1944 թվականի հուլիսի 3-ին՝ Հայրենական մեծ պատերազմի (1941-1945) ժամանակ։

Լավրովի խոսքով՝ այսօր արևմտյան երկրներում շատերը մոռանում կամ միտումնավոր նսեմացնում են Կարմիր բանակի դերը, որը կանգնեցրել է Հիտլերի նացիստներին։ Նման պայմաններում Ռուսաստանի և Բելառուսի խնդիրն է ուշադիր պահպանել իրենց նախնիների սխրանքը, թույլ չտալ պատմական փաստերի աղավաղում և մարդատյաց գաղափարախոսությունների վերածնունդ, ասվում է հեռագրում։